Արցախից բռնի տեղահանվածների իրավունքների պաշտպանության ՔՀԿ-ների ցանցը (այսուհետև՝ Ցանց) հիմնադրվել է 2024 թվականի մարտի 12-ին։ Ցանցի հռչակագրին կարող եք ծանոթանալ
այստեղ։Ցանցի հիմնական նպատակներն են՝
- Նպաստել Արցախից տեղահանվածների ադապտացմանը Հայաստանում,
- Ուժեղացնել Արցախից բռնի տեղահանվածների իրավունքների պաշտպանության մեխանիզմները, բարձրացնել նրանց արդարադատության հասանելիության, իրավունքների իրավական իրազեկության ու խնդիրների բարձրաձայնման մակարդակը,
- Զարգացնել Ցանցի անդամ կազմակերպությունների արցախահայերի իրավունքների պաշտպանության և այլ կարողությունների ուժեղացման իրականացման հետ կապված:
Ցանցն ունի նաև իր ուրույն կանոնակարգը, որի դրույթներին կարող եք ծանոթանալ
այստեղ։Ցանցի վերջին նիստի լուսաբանումը հասանելի է
այստեղ, իսկ նիստի արձանագրությունն՝
այստեղ։
ՑԱՆՑԻ ԿԱՌԱՎԱՐՄԱՆ ԽՈՐՀՈՒՐԴ
2024 թվականի մարտի 12-ին կայացած հիմնադիր համաժողովի ընթացքում՝ Ցանցի կառավարման խորհրդի կողմից միաձայն քվեարկությամբ Ցանցի կառավարման խորհրդի նախագահությունը ստանձնեց
«Հարմոնիա» շուշեցի կանանց ՀԿ-ի գործադիր տնօրեն Ջուլետտա Առուստամյանը:
Ցանցի աշխատանքների բնականոն ընթացքի և թափանցիկության ապահովման նպատակով Ցանցի քարտուղարության գործառույթները ստանձնեց
Իրավաբանների հայկական ասոցիացիան՝ քարտուղարության համակարգող Կարեն Զադոյանի գլխավորությամբ։