«Հարմոնիա» շուշեցիկանանցհասարակական կազմակերպությունը հիմնադրվել է 2021 թվականին։ Կազմակերպությունը 2004 թվականին Շուշի քաղաքում հիմնադրված «Հարմոնիա» հասարակական կազմակերպության իրավահաջորդն է, որի անդամները 2020 թվականին արցախյան պատերազմի պատճառով բռնի տեղահանվել են Արցախի...
«Հարմոնիա» շուշեցիկանանցհասարակական կազմակերպությունը հիմնադրվել է 2021 թվականին։ Կազմակերպությունը 2004 թվականին Շուշի քաղաքում հիմնադրված «Հարմոնիա» հասարակական կազմակերպության իրավահաջորդն է, որի անդամները 2020 թվականին արցախյան պատերազմի պատճառով բռնի տեղահանվել են Արցախի Հանրապետության Շուշի քաղաքից։ Կազմակերպության նպատակները ներառում են.
- Նպաստել խաղաղության պահպանմանը և կանանց իրավունքների պաշտպանությանը,
- Նպաստել կանանց մասնագիտական և հոգևոր աճի զարգացմանը,
- Միջազգային կազմակերպությունների, իրավասու կողմերի և կանանց հասարակական կազմակերպությունների հետ համագործակցությամբ միջազգային հանրության առջև Շուշիի ապաօկուպացման խնդրի բարձրացմանը նպաստելը,
- Աջակցել Արցախյան հակամարտությունից տուժածների իրավական, սոցիալ-տնտեսական, բժշկական, աշխատանքային, մշակութային և այլ խնդիրների լուծմանը,
- Շուշիի պատմամշակութային հուշարձանների միջազգային իրավական պահպանության խթանում,
- Համագործակցություն այլ կազմակերպությունների և ուսումնական հաստատությունների հետ՝ նրանց ներգրավելով կազմակերպության կողմից առաջադրված նպատակների և խնդիրների իրականացման աշխատանքներում,
- Բազմակողմանի համագործակցություն և համատեղ համակարգված աշխատանք Արցախի Հանրապետության և այլ երկրների կանանց, ինչպես նաև նույն նպատակները հետապնդող կազմակերպությունների հետ,
- Անվճար տնտեսական և իրավաբանական ծառայությունների մատուցում կազմակերպության անդամներին` նրանց օրինական շահերը պաշտպանելու և տնտեսական նախաձեռնություններին աջակցելու համար,
- Հնարավոր միջոցներով նպաստել պետական մտածողության և ազգային գաղափարախոսության ամրապնդմանն ուղղված քարոզչության իրականացմանը,
- Օրենքով չարգելված այլ գործունեության իրականացում։
Վերջին 10 տարիների ընթացքում «Հարմոնիա» ՀԿ-ն երկու անգամ անցկացրել է «Ես մարդ եմ» խաղաղության և մարդու իրավունքների հարավկովկասյան կինոփառատոնը (2007 և 2008 թ․թ․, դոնոր Հայնրիխ Բյոլ հիմնադրամ, ծրագրի ընդհանուր բյուջեն մինչև 1000 եվրո)։ Ցուցադրվեցին այլ երկրներում նկարահանված վավերագրական ֆիլմեր և քննարկվեցին հակամարտության գոտիները։ Կինոփառատոնը մեր փոքրիկ քաղաքի կյանքում մշակութային իրադարձություն է դարձել։ Փառատոնի շրջանակներում անցկացրել ենք «Աշխարհն առանց պատերազմի» թեմայով լուսանկարչության, պոեզիայի և երգի, նկարչության և կիրառական արվեստի մրցույթներ, կազմակերպել մրցութային աշխատանքների ցուցահանդեսներ։
Հաջորդ երեք ծրագրն էին՝ «Ներառում», «Ներառման ընդլայնում» և «Ժողովրդավարացում» (2006, 2007, 2008 դոնոր International Alert, ծրագրի ընդհանուր բյուջեն մինչև $1000), որոնց աշխարհագրությունը շատ ավելի լայն էր և ընդգրկում էր ինչպես մայրաքաղաքը, այնպես էլ մարզկենտրոնները, և Արցախի Հանրապետության խոշոր գյուղերը։ Թիրախային խմբերը ներառում էին հակամարտությունից առավել տուժած մարդկանց, իսկ նրանց 60%-ն առաջին անգամ էր մասնակցում խաղաղապահ ծրագրերին:
Այս ծրագրերի շրջանակներում իրականացվել են հետազոտական աշխատանքներ։ Ուսումնասիրվել է այլ տարածաշրջաններում հակամարտությունների վերափոխման գործում կանանց կազմակերպությունների փորձը: Անցկացվել են բազմաթիվ դասախոսություններ, կլոր սեղաններ և բուռն քննարկումներ «Ղարաբաղյան հակամարտություն. Քաղաքական իրողություններ և միտումներ. Կարգավորման ուղիները», «Հակամարտության բնույթն ու վերլուծությունը և լուծման մեթոդները», «Ադրբեջանցիների հետ բարեկամական հարաբերությունների վերականգնման հնարավորությունները», «Կանանց դերն ու տեղը խաղաղարար գործընթացներում»։ Անկասկած,իսկապես օգտակար էր «Խաղաղության մշակույթ» դասընթացը։ «Հարմոնի» ՀԿ-ն բազմիցս անցկացրել է «Ծրագրերգրելու ուսուցում» թեմայով սեմինարներ ։
Դասընթացներից մեկի ժամանակ կանանց ակտիվ մասնակցությամբ կազմվել է երեք փաստաթուղթ, որոնք այնուհետև ներառվել են ՝ «Վստահության կամուրջներ կառուցելու նախագիծ», «Խաղաղապահի կանոնագիրք» և «Դիմում Ղարաբաղցի և Ադրբեջանցի կանանց.» գրքույկում։
2018 թվականին մեր «Հեղինակային երգի ակումբ» նախագծին աջակցել է ԱՀ մշակույթի նախարարությունը, իսկ «Հարմոնիա» ՀԿ-ն առաջին անգամ պետության կողմից 1.589.400 դրամի ֆինանսական աջակցություն է ստացել։
2019 թվականին համակարգել ենք «Նախաձեռնող խմբերը՝ որպես քաղաքացիական ներգրավման մեխանիզմ» ծրագիրը (դոնոր Եվրասիա համագործակցություն հիմնադրամ, ծրագրի ընդհանուր բյուջեն 7000 եվրո), որի նպատակն էր բարձրացնել Արցախի գյուղական շրջանների երիտասարդության քաղաքացիական գիտակցությունը և Արցախի երեք շրջանների 12 գյուղերում ստեղծել «Քաղաքացիական ակտիվիստների նախաձեռնող երիտասարդական խմբեր»։
2021-2022 թվականներին, Արցախում իրականացրել ենք «Ժողովրդավարությունը սկսվում է ինձնից» ծրագիրը (դոնոր European Union Initiative/Եվրոպական միության նախաձեռնություն, ծրագրի ընդհանուր բյուջեն 8,340,000 դրամ): Ծրագիրն ուղղված է արցախցի ուսանողների շրջանում ժողովրդավարական արժեքների և իրավական գրագիտության իրազեկվածության մակարդակի բարձրացմանը, երիտասարդների մոտ ժողովրդավարական գործընթացների նկատմամբ հետաքրքրության և քաղաքացիական գործունեության մեջ անձամբ ներգրավվելու ցանկության ձևավորմանը։
2023 թվականին Երևանում իրականացվեց «Պատերազմը կին ականատեսների աչքերով» ծրագիրը (դոնոր՝ Կանանց հիմնադրամ Հայաստանում): Ծրագիրը միտված է Հայաստանում հասարակական էսկոպիզմը (փախուստ իրականությունից) մեղմելուն, ինչպես նաև երկրում տիրող իրավիճակի և սեփական կյանքի նկատմամբ մայրաքաղաքի բնակիչների մոտ գիտակցված վերաբերմունք զարգացնելուն՝ անմիջապես պատերազմից հետո (նոյեմբեր-դեկտեմբեր 2020) կին ականատեսների ձայնագրված պատմությունները լսելու և դրանց որոշ մանրամասների հետագա քննարկման միջոցով ։