Իրավաբանների հայկական ասոցիացիան «Լեռնային Ղարաբաղից բռնի տեղահանվածների իրավունքների պաշտպանության մեխանիզմների ուժեղացում» ծրագրի շրջանակներում բռնի տեղահանված և խոցելի (սոցիալապես անապահով, գործազուրկ, հաշմանդամ, ուսանող, կին և այլն) անձանց ցուցաբերում է անվճար իրավաբանական աջակցություն։ Նշված ծրագրի շրջանակներում ասոցիացիային էր դիմել Էդգար Եսայանը՝ մինչև երկու տարեկան երեխաների խնամքի համար տրամադրվող նպաստը ստանալու խնդրով պայմանավորված։

Ծրագրի իրավաբանի իրականացված ուսումնասիրությունից պարզ է դարձել, որ գործող կարգավորումների համաձայն՝ ոչ մի իրավական հիմք չկա անձին՝ նպաստը չտրամադրելու համար։

Հաշվի առնելով վերոգրյալը, շահառուի խախտված իրավունքը վերականգնելու նպատակով ԻՀԱ-ի կողմից գրություն է պատրաստվել ուղղված ՀՀ աշխատանքի և սոցիալական հարցերի միասնական սոցիալական ծառայությանը, որում նշվել է այն իրավական և փաստական հանգամանքները, որոնցով պայմանավորված պետք է բավարարեին ներկայացված դիմումը։